البنات اسعارها ايه اليومين دول

كتبهانور الدين سويفى ، في 9 يونيو 2009 الساعة: 22:07 م

المشتري : هي البنات أسعارهم ايه اليومين دول ؟

السمسار : بوصل والا من غير وصل ؟

المشتري : هو الفرق كتير؟

السمسار : اه طبعا اي حاجة بوصل او فاتورة بتكون أغلى …… خليك في الحاجات اللى من غير ورق ولا فواتير ولا وصولات

المشتري : طيب ايه الفرق غير كده؟

السمسار :اللى بفاتورة ممكن تكون مضمونه يعني لو ليها عيلة يبقي بضمان صاحب المحل (ابوها وعليتها) او بضمان مالي وهو ده بيكون لما تناسب عيله غنية

المشترى : طيب يعني ده يكلف كام

السمسار : لو مضمونه بالعيلة هتكلفك على الاقل 300الف حنيه لو بضمان الفلوس ممكن توصل على الاقل 700ألف جنيه ، لو الاتنين مع يعض ممكن تقفل مليون ، أما لو هتاخذ حاجة من غير فاتورة او وصل ده رخيص قوى مش هتكلفك غير موافقتها وخلاص

المشترى : لا ياعم خلينا في الرخيص انا لسه شباب ، بس ياترى الواحد يتقدم ازاى ؟

السمسار : بص اما تعمل نفسك مغوار وتخش تقول الكلمتين ، او تبعت رسالة مع واحدة صاحبتها تشوف الاحوال ، او تروح لاهلها على طول وربنا يستر عليها وعليك

مرحبا بكم في الجزء الثانى من موضوع "
"أنا عاوز اتجوز أنت عاوز تتجوز من الاخر شباب عاوز يتجوز ……….."

الجزء ده هنتكلم فيه عن اسئلة كتير

س ياترى هل المرأة او الفتاة بضاعه تباع وتشترى ؟

س طيب لو قلنا ويكل ثقة لا طيب ليه العريس يرفض في احيان لو من غير شبكة ولا مهر او عفش معين؟

س طيب صحيح هو الناظم الان بالمجتمع هو الذي انشأ الجواز العرف ؟

س مش الجواز العرفى سببه الاساسي غير الشباب اللي بيستعبط يعني بسبب التكاليف الكتير ؟

س طيب لو واحد عاوز يتقدم لواحده يتقدم ازاي ؟

س هو فيه طرق مختلفة للتقدم للخطبة او طلب الزواج ، طيب ايه هي ؟

منتظر رايكم وهنتابع كل فترة زي ما عودتكم بحاجات من الشرع والادلة الفقهية علشان تنور طريقنا بعد كل خطوة في كلامنا

وبسم الله نبدأ الجزء الثانى

نشوف رأيكم
ونتابع حلمنا و حلمكم

(ياترى هنقدر نتجوز؟؟؟؟)

لو عاوز تتابع باقى الحوار والنقاش من هنا

http://forum.amrkhaled.net/showthread.php?t=115037

منقول من بن مسعود شاب مصرى

أضف الى مفضلتك