كيف تصبح المرأه شؤماً
الشؤم في ثلاث, الدار و الفرس و المرأة
ذكروا الشؤم عند النبي صلى الله عليه وسلم فقال النبي صلى الله عليه وسلم إن كان الشؤم في شيء ففي الدار والمرأة والفرس
صحيح البخاري .. كتاب النكاح .. باب ما يتقى من شؤم المرأة
بمعنى انه لايوجد عدوى ولا تشاؤم ولكن استثنى ثلاث منهم المرءه والدار والفرس
شؤم الدار ضيقها وشؤم جيرانها وأذاهم , .
. وشؤم المرأة عدم ولادتها وسلاطة لسانها وتعرضها للريب . وشؤم الفرس أن لا يغزى عليها . وقيل حرانها وغلاء ثمنها
فالمرأه يحب ان تكون على قدر من الرضى عن نفسها وقضاء الله حتى لاتكون شؤم
ويجب ان تتاقلم المرءه مع حال زوجها ان كان فقيرا تعينه على تحمل مصاعب الحياه وتصبر ولها اجر بازن الله
وان كان غنيا تساعده فى الانفاق فى وجوه الخير وتعينه بان توجهه وترشده لاعمال الخير
طلبات الزوجه المستمره باسراف تؤدى الى سلاطة لسانها
الشكوى والالحاح على الزوج ايضا تؤدى الى ذلك
التذمر من المعيشه
الضغط على الزوج بطلبات ليست باستطاعته
فالزوجه الزكيه يجب ان تكون راضيه عن نفسها اولا وان تكون لديها القناعه التى تجعلها تتحمل متاعب ومصاعب الحياه مع شريك حياتها
واخيرا يجب ان تبتعد المرأه عن كل ماهو يريب وان تتجنب مواطن الشبهات سواء فى تعاملاتها مع الرجال او اى تعاملات اخرى حتى لاتكون مشؤومه
كتب الموضوع واعده نور الدين سويفى 3/7/2008
كتبها نور الدين في 12:50 صباحاً ::
9 تعليقات
في29,تموز,2008 - 06:31 صباحاً, مجهول كتبها ...
أخى الفاضل نور الدين
ايه علاقه شؤم المرأة بتعاملها مع الرجال
يعنى فى الشغل مثلا ايه حدود التعامل مع الرجل
وحتى النساء الملتزمات ممنوع انهم يكلموا رجال
هل الاسلام منعنا بجد ان احنا نتكلم مع رجال او نتعامل معهم
اكيد فى حدود لكل شىء نفسى اسمع راى حضرتك ياأخ نور
في29,تموز,2008 - 06:40 صباحاً, مجهول كتبها ...
السلام عليكم
اخى الكبير نور الدين
نفسى ترد عليا بصراحه شديدة
بالنسبه للمنتدى الاسلامى
هل البنت الملتزمه ممنوع انها تكلم عضو وتقول له جزاك الله خيرا او تدعى له بادعيه حلوة
احيانا الانسان بيخاف يكون سبب فى فتنه حد من غير ما يحس او يقصد
لم انكر ان البنات الملتزمات لما بيقربوا من ربنا بجد بيكون عندهم قوة ايمان عاليه والله بتفوق الرجل الملتزم فى ابسط شىء انهم مبيتفتنوش بسرعه ذى الرجل
وهل البنت الملتزمه من المفروض انها تتجنب الكلام مع الشباب ولو بضوابط ولو نفسها تستفسر عن شىء او نفسها فى معلومه او نصيحه تسكت احسن ومتتكلمش
وايه رايك ياأخ نور بالايه التى تقول(وجعلناكم شعوبا وقبائل لتعارفوا ان اكرمكم عند الله اتقاكم)
نفسى الرد يكون صريح وشكرا لحضرتك جدا
اختك فى الله
في01,آب,2008 - 03:01 مساءً, نور الدين كتبها ...
الاسلام لم يمنع التعامل مع النساء ولكن وضع للتعامل معها قواعد وشروط حتى لا تتعرض المرأه للمضايقات والاذى من جهه الرجال
, فإن النساء كن يشتكين إلى النبي صلى الله عليه وسلم ويسألنه عن شئون الإسلام , ويفعلن ذلك مع الخلفاء الراشدين رضي الله عنهم وولاة الأمور بعدهم , ويسلمن على الأجانب ويردون السلام , ولم ينكر ذلك عليهن أحد من أئمة الإسلام , ولكن لا يجوز لها أن تتكسر في الكلام , ولا تخضع في القول , لقول تعالى : ( يا نساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا ) الأحزاب/32 لأن ذلك يغري بها الرجال ويكون فتنة لهم كما دلت عليه الآية المذكورة
في01,آب,2008 - 03:11 مساءً, نور الدين كتبها ...
التعليق الثانى
وعليكم السلام اولا
هو التعامل لو هايكون من وراه اذى فمنعه اولى لمنع الفتنه
لان اخطر فتنه للرجال هى النساء
المفروض التعامل مع النساء يكون فى حدود الضرورات فقط يعنى الكلام يكون فى حدود
وان قل ودل يكن افضل حتى لايكون هناك نوع من الاستدراج
لان الشيطان يدخل لانسان المتدين من باب الالتزام بان يوسوس للمرأ ه او الرجل الملتزم بان تعاملاتهم فى نطاق الدين ثم تتطور الامور بعد ذلك الى ان تصبح الحوارات جانبيه بعيده عن الدين لان اهم حاجه عند الشيطان انه لايريد ان يكون فى الارض من يعبد الله فيظل يجاهد فى ذلك وخاصة مع المتدينين
وعجنى موضوع كويس نقلته لكى
النصب والأدعاء بالحب(النصاب المتدين)
بسم الله الرحمن الرحيم
هناك شئ قرءته واحببت ان انقله لكم للأستفاده وهو:
اللي يعيش ياما يشوف ، واللي يلف الدنيا يقابل نصابين كتير ، واللي يقعد على النت كتير يقابل نصابين بس من نوع تاني : نصابين البنات !! دول بيكونوا منشنين على البنات ، بيدوروا عليهم عشان يصطادوهم ، وكل واحد وأسلوبه ..
قابلت منهم أنواع كتير ، وعرفت عنهم معلومات أكتر ، وحبيت أنقل "خبرتي" عشان الناس تاخد بالها منهم وتعرف حقيقتهم ودول اللي جم في
دماغي دلوقتي
(1) النصاب المتدين
كلامه بيقول إنه عايش عشان يرضي ربنا وييعبده ، لكن حاله بيقول إن همه البنات ليس إلا .
لما يكون بيكلم بنت ، أكيد كلامهم بيدور حول تفسير آيه !! أو معلومة دينية أو حتى رأي فلسفي كبير وكلام مكلكع في قضية من قضايا الحياة !!
طول ما هو قاعد معاها مش في دماغه صلاة ، وإذا افتكرها يبقى عشان يعرفها إنه بيصلي !! لأ وفي المسجد كمان !! ( بعد إذنك هانزل أصلي في الجامع وأرجع نكمل كلامنا) - ( صليتي الفجر النهاردة ؟؟ مرنتيش عليا ليه ؟)
راجع الكلام هتلاقيه مليان كلمات على غرار : أختي الغالية / بارك الله فيكي / ادعيلي
ومفيش مانع كمان يذم الولاد الوحشين اللي بيضحكوا على البنات !!
بالتأكيد هتلاقيهم مرة اتفقوا يحفظوا القرآن مع بعض !! أو حتى ينصحها بالحجاب أو قيام الليل ( هازعل بجد لو عرفت إنك قلعتي الحجاب )
النتيجة قبل النهائية : هي : بأحبك ، هو : بأحبك ( ايه الالتزام ده كله !!)
النتيجة النهائية : غالبا بطيخ .. وبيبانوا قدام بعض وبيفقدوا احترامهم لنفسهم ، وحتى بيفقدوا الخيط الرفيع اللي كان بيربط كل واحد فيهم بالله
النتيجة بعد النهائية : هتقول ايه لربنا لما يواجهك بجريمتك ؟ بتنصب باستخدام دين الله وكلام الله ؟ انت عارف مصيبة "من حفظ القرآن ليجاري به العلماء أو ليماري به السفهاء" ؟ أهو انت زيه كده أو أسوأ
نصيحة : لا يتقرب (بضم الياء) إلى الله بمعصيته .. متضحكش على نفسك ومتضحكيش على نفسك وتفتكري إنه بيشدك ناحية الصح ، بالعكس ده بيزقك وبياخد بحجزك عن الصح
"الذين ضل سعيهم في الحياة الدنيا وهم يحسبون أنهم يحسنون صنعا"
لكن لو تسمحلى اضيف نوع من النصب مش هقول النصابين بس نصب جديد شويتين
ويمكن متكلمناش فيه قبل كده وممكن نكون احنا النصابين ..
اه ...انا او انتم ...كلنا
طيب ندخل فى الموضوع ...
متدين .. او متدينه ...
(ليه بقول متدينين لان المفروض ان دول فاهمين والشيطان هيدخل لدول الاول ويهمه دول اكتر )
لما يجمعهم كليه واحده ولا سكشن واحد ولا مجال واحد ولا حتى عمل واحد وحد فيهم يكلم التانى عن حياته الخاصه او اى شىء فيها ده يبقى ايه ؟؟
نصب
ليه بقى ؟
ايوة نفسك بتنصب عليك وانت مصدق وعجبك الوضع كده
طيب سؤال :
هو ولا هى تقربيلك ايه ؟؟
امك ولا اختك ولا زوجتك ؟؟؟
ابوك ولا اخوكى ولا زوجك ؟؟؟
اصل ببقى عايز ورق وهى الى بتعمل المحاضرات ...
ماشى وده ايه علاقته بحياتك يعنى بتحب ايه ومبتحبش ايه ؟؟ يعنى ينفع تكلمها فى الحاجات الى بتكلم فيها صديقك الولد او انتى ينفع تشكيله مشاكلك الى بتشكيها لصديقتك البنت ؟؟؟
لو كان كده بقى يبقى معلش اخويا ملتزم برضو ومع اختك فى الكليه ممكن يبقى يكلمها ؟؟؟
خلونا نسأل نفسنا او بمعنى اصح نقف واقفه جاده
...اشمعنى دى واشمعنى ده ؟؟ هو البنات خلصت !!! ولا الشباب خلصوا !!!
نفسنا بتنصب علينا واحنا عجبنا الحال ومكملين ....
نصب ده ولا مش نصب
مينفعش تقولى انك لما تكلم واحده عن حياتك مش هتتعلق بيك ومينفعش تقوليلى انك لما تكلمى واحد عن حياتك الخاصه وبتحبى ايه وعايزة ايه مش هيتعلق بيكى ؟؟
يبقى الشيطان لازمته ايه بقى ؟؟؟ التعود نفسه تعلق وبعدين نرجع نغنى ظلموه
ممكن منكونش واخدين بالنا وعادى جدا وبنتكلم بمنتهى التلقائيه .. لكن معلش لو مخدتش بالى مرة والتانيه ماشى لكن اراجع نفسى بقى واظبطها وافتكر ان
ربنا بيقول ليكى ((ولا متخذات اخدان ))
وليك ((ولا متخذى اخدان ))
الخدن :الصاحب او الصديق ..
الشيطان ينصب علينا فيقابل ده هوى نفس فتنصب هى كمان علينا واحنا بدل ما نقفل الباب لا عجبنا ونفتح ونتلكك بقى وننصب على ضميرنا ...
ويا سلاااام على التلاكيك والله بنتتفنن
ده بقى النصب الى كان نفسى اقولهولكم من زمااان
كل النصابين الى فاتوا كانوا عارفين انهم بينصبوا من البدايه لكن ده نصب تدريجى ويمكن بنفوق لما بينبقى اتعودتنا اننا نكلم بعض وممكن نفضل مكملين لما نفسنا تقولنا لاااا بس احنا بنتكلم فى حاجات مهمه بس اصل ملقيتش غيرها اكلمها وكنت عايز اتكلم اصل هو شخصيه محترمه جدا ومش ممكن يكون بيلعب بيا اصل هى متدينه واكيد هنحافظ على الحدود الى بينا اصل كنت عايز اعرف رأيها فى حاجه اصل فضولى بيخلينى اسالها ....
نصب ده ولا مش نصب ؟
اللهم احفظنا واياكم
(2) النصاب الرومانسي
في الغالب بيكون واقع في مشكلة : مشكلة في البيت أو مشكلة عاطفية - أي مشكلة والسلام - ويا عيني دايما بيكون بيكون مظلوم وتعبان وبيتقطع والدنيا كلها عليه ( وملقاش غيرها يشكيلها على أساس هي المنقذ !!) . لكنه صامد بس عشان رجولته ، ولما بيقعد لوحده يقعد ييعيط ويسمع عبد الحليم ويشتكي ظلم الأيام له !!
(أنا تعبان ومتضايق وحاسس بالوحدة ومحدش فاهمني غيرك ، وباستريح معاكي انتي بس )
كلامه دايما عن الحب والعاطفة وازاي إنهم أسمى شئ في الوجود ، ولو كاتب 10 سطور هتلاقي 9 منهم ( حب / عاطفة / رومانسية / قلب / عياط / دموع / خجل / مشكلة ) حاجة تجيب غثيان يعني
حافظ كل المطربين والمطربات والممثلين والممثلات ومتابع الأفلام الرومانسية القديمة والجديدة ، وتحس كده من كلامه إن الواد ايه : لو الدنيا كلها وقفت بينه وبين "أخته" - اللي هي البت بتاعته يعني !! ( اللي غالبا بيحكي مغامراته معاها لأصحابه إلا إذا كان ملوش أصحاب ولاد أساسا ) - هيتغلب عليها ، ومش هيهتم بأي حاجة عشان علاقتهم "الطاهرة البريئة" - اللي ميقدرش يقول لأبوه عليها ولا تقدر تقول لأبوها عليها - تفضل زي ما هي أنا باقولك الكام ده بس عشان انتي زي أختي !!)
نصيحة : طبيعة البشر كده : الرجل بيميل للكلام مع البنت والعكس ، ودي غريزة ربنا خلقها لكنه في نفس الوقت وضع قوانين تنظمها لأن في النهاية الندم والدموع الحقيقية مبترجعش حاجة - ولأنه في النهاية الله سبحانه وتعالى هو اللي هيحاسبنا على العلاقة "الطاهرة البريئة" دي بين اتنين اخوات!!
نصيحة تانية : تأكدي إن أي حاجة مكانها الظلام فهي غلط - محدش بيتكسف يقول (فلانة دي مراتي) أو يقول ( فلان ده أخويا وحبيبي) ، لكن تقدري تقولي للناس أو حتى لأهلك (فلان ده
أخويا ومفيش بينا أكتر من كده ) ؟
(3) النصاب الروش .. الكووووووول
(هاااااااااااااااي) ..
نموذج للشاب المنفتح ماعندوش مشكله في اي حاجة ((peace)
بالنسبه له اي جمله تحتوي على واحده من الكلمات دي( الله- الرسول الاسلام - حرام- لا يجوز- او حتى حلال ) تدل على تخلف ورجعيه وحاجة مش cool
ما يعرفش في الدين غير آيتين (الدين يسر_وربك رب قلوب!!!)
وتحاول تفهمه ان دول مش آيات يقولك (so what ? ايه التشدد ده) هو احنا غلطنا في البخاري!!
بالنسبة له جريمة انك مانزلتش سيتي ستارز في الويك اند او ماسفرتش مارينا في الsummer vacation
مش قادر يفهم الناس الرجعيين اللي مش بيعترفوا بالصداقةبين الولد والبنت ومش قادرين يفهموا الفرق بين الفريند والgirlfriend !!
صاحبنا ده ممكن مانعتبروش نصاب اوي يعني ممكن نعتبره منصوب عليه من الاعلام والثقافة الغربية المستوردة
كلامه بينحصر بين قضيتين مهمتين ، العربيات والبنات ، ولو فيه شريط جديد يبقى دي حالة طارئة ، وضارب الدنيا والدين طناش
بيعتبر إن من حقه إن بابا يلبي كل رغباته وماما تقعد تخدم فيه طول النهار ، وهو - كفاية عليه إنه موجود أصلا .. هيقطع نفسه يا عيني ؟
شكله مكبر دماغه .. لكن الواقع بيقول إنه غالبا مفيش دماغ أصلا عشان يكبره ، وعادة هي دي نفس نوعية دماغ البنت الي بتحب الصنف ده
وفي الغالب يا عيني بيطلع صاحبنا النصاب ده في الآخر من نوعية صاحبنا بتاع زمان اللي كان واهمنا إنه بيتكلم ألماني ويقعد يقول (لنجر فلسكاك فلشته شينا) وفي الآخر طلع بيتكلم كوابري أساسا وقصده (النقر في السكك في الشتاء شينة يعني قبيحة )!!!
نصيحة : "ولا دنيا لمن لم يحي دينا"
***
(4) النصاب المفكر / الثورجي
أنواع كتير وأبرزهم نوعين : ليبرالي / شيوعي
كاره للمجتمع ولحظه العاثر اللي طلعه وسط ناس هو خسارة فيهم أصلا
بيعتبر إن (العرب - الشرق - الإسلام ) يعني جمال وصحراء وخيام ، ومفيش أمل منهم لو بعد مليون سنة ، وإن النجاة فيما جاءت به أمريكا وأوروبا
صاحبنا مثقف - أو هكذا يبدو - عارف كلمتين عن (تشارلز ديكنز - وهـ.ج.ولز - وجول فيرن) وكلمتين عن (ماري كوري - ونسبية أينشتاين - ومندل - وداروين) وكلمتين كمان عن (شافيز - وكاسترو - وجيفارا - وغاندي ) وبيضرب ده كله في الخلاط عشان يطلع الحاجة الأصفرا اللي هيسقيها للبنت !!
مبهور بالقشرة ، ومش واخد باله إنه مفيش لب ، مؤمن إن لا يمكن عربي أو مسلم يكون زي دول إلا لو سابه من حوار الإسلام ده خالص وركز في المفيد : رأسمالية - شيوعية - اشتراكية على حسب
مفيش مانع يكون عنده قدر من التدين ، لكنه التدين الذي لا يتعارض مع مشيئة الغرب !!
تدين لا يعترف بمعظم الغيبيات ، لا يعترف بالجن (انتو لسه عايشين في العصور الوسطى ؟) ولا يعترف بحديث الذبابة والإناء (ايه القرف ده ؟) ولا يعترف بحديث الختان (وحشية) ولا بآيات السحر والحسد (خرافات وخزعبلات وجهل يرفضه العقل والعلم)!!
تدين يعتبر الوسطية (حجة الضعيف اللي مش قادر ياخد قرار ، العالم :يمين وشمال وبس)
ومش مدرك إن أعلى نقطة في الجبل تقع عند منتصفه !!
مقادير النصب : خمس معالق إحباط شوية كلام كبير مع رشة من المصطلحات البرجوازية الراديكالية الفاشية التقلية !! كوبايتين فضفضة وكوباية مشاعر وأحاسيس ضعف (عشان يبقى الواد جمع بين العلم والحساسة في نفس الوقت !!!)
نصيحة له : "إن الدين عند الله الإسلام" .. لف ودور واتخذ من الأديان ما شئت ، وهتلاقي إن "ومن أعرض عن ذكري فإن له معيشة ضنكا"
نصيحة لها : أسهل حاجة الكلام الكبير ، لكن الرجل الحق بيستخدم الكلام في مكانه الصحيح ، وتأكدي إن "من كثر كلامه قل عمله"
***
و أخيييييييييييييييييييييييييييرا
سبحان الله
..!!
رغم انه واقع للأسف لكن لازم نفكر نفسنا بيه دايما .. وخاصة النصاب المتدين .. ده كمان ممكن يكون شيخ بيتكلم فى غرفة بيسموها غرفة دينية ..
وبتدخل البنت هدفها انها تدعوا الى الله وتقرب من ربنا بسذاجة وعدم وعى ..
ويدخل الشباب " تقريبا بيبقى عندهم انفصام فى الشخصية .. يتكلموا وبعدين الكلام يكون على البرايفت..
والنتيجة : قلب مكسور .. وانطواء عن الناس ... وغضب وسخط من الله تعالى .. خسران وحسرة فى الدنيا وخسران فى الآخرة
الغريب فعلا ان البنت او الشاب بيكونوا على يقين ان الطرف الآخر اللى بيتكلم معاه ده مستحيل يقبل انه يكون على فرض يعنى شريك حياته .. ونلاقى البنت بتقول عاوزة زوج صالح والشاب يقول عاوز زوجة متدينة .. على أى اساس طيب ..
هل تعتقدين اصلا ان الله هيبتلي انسان صالح عفيف
بوحدة بتعمل زى اللى بتعمليه والله أعلم بيه؟؟
وللشباب ايضا هل تعتقد بأن الله سبحانه وتعالى سيبتلي انسانة عفيفة بمن هم على شاكلتك ؟؟
اختكم في الله إيناس
في02,آب,2008 - 07:26 صباحاً, مجهول كتبها ...
السلام عليكم
بشكر حضرتك يااخ نور
على هذا المجهود انا فعلا اقتنعت وفهمت اكتر
بس البنت المتدينه اللى بتدعوا الى الله وحضرتك بتقول ان عندها سذاجه
لما تقابل نصاب متدين وبيستعبط لها وعايز فتوة شرعيه ويتلكك نفترض انها طيبه على الاخر لازم لازم نحذر منه اوى وتعرف انه مش كويس
اقسم بالله لو حصلت معايا انا شخصيا مش هرد عليه من الاساس وده مش حرام عليا
المؤمن لازم يكون كيس فطن يعنى انسان ذكى
وبستغرب من البنات اللى بيدعوا الى الله عن طريق الشات او الماسنجر ويقابلهم واحد تقريبا عنده تخلف عقلى ويحاولوا معاه مرة واثنين
انا بعتبر البنات ديه عندها غباء مستحكم ولا بيعرفوا حاجه فى الدين هما بيستعبطوا
وشوهوا صورة الدعوة الى الله
لازم فعلا الواحد يكون على حذر من كل الناس
في02,آب,2008 - 07:40 صباحاً, مجهول كتبها ...
اما بالنسبه للكلام بين الولد والبنت حتى لو كانوا متدينين
حضرتك بتقول يكون فى ضوابط وقوانين لذلك
وقلت كمان ان الشيطان بيدخل للمتدينين اكتر ويضحك عليهم ان كلامهم محترم ومنضبط
فانا اللى طلعت به فى الاخر ان اللى بيحب ربنا بجد بجد لازم يتقيه
بمعنى يتقى مواطن الشبهات وان يجعل بينه وبين الحرام سترة من الحلال
بمعنى يتجنب المحادثه من اصله حتى لو كانوا فى قمه الانضباط والتدين
الا لو فى بقه حاجه جامدة جدا ولازم نتكلم كلمه حق لله او وجدنا حد عمل حاجه غلط بتلقائيه لازم ننصحه ونوجهه صح وبتكون حاجه لله
واخيرا متزعلش بعد سماعى واقتناعى برأى حضرتك
هبقى اقرأ المدونه ديه مع نفسى فى صمت بمعنى معندش هعلق تانى وانا شايفه ان كدة احسن بجد التعليقات تبقى هناك على صفحات فضفضه علشان كل الناس تسمعها ويستفادوا بردوا لان تقريبا بتنقل هناك على الصفحه كتير من هذه المدونه
فتعليقاتى ان كان فى هتكون هناك معذرة
وشكرا جدا لحضرتك مدونتك بجد اكثر من رائعه وربنا يزيدك ويفتحها عليك
اختك الصغيرة حبيبة النبى
في02,آب,2008 - 05:33 مساءً, نور الدين كتبها ...
وعليكم السلام كلامك صحيح اشكرك وان قريتى اى موضوع وشايفه فيه خطا ياريت تعلقى لا نى بشر والبشر عرضة للخطا وتعليقك او تعليق اى حد ممكن يكون سبب فى توجيهى للصواب
في03,آب,2008 - 06:54 صباحاً, مجهول كتبها ...
حاضر ياأخ نور
في03,آب,2008 - 11:34 صباحاً, نور الدين كتبها ...
بوركتم